HEALTH IS WEALTH

ഇന്നവിചാരിതമായി വീണു കിട്ടിയ ഒരു അര മണിക്കൂര്‍ ഏറ്റവും ഉപകാരപ്രദമായ രീതിയില്‍ ഉപയോഗിക്കണമെന്ന് തോന്നി. രാവിലെ വീണ്ടും അന്തരീക്ഷം മൂടികെട്ടിതന്നെ.

നമസ്കാരത്തിനു ശേഷം പതുക്കെ ട്രെഡ്മില്ലില്‍ നടക്കാന്‍ തുടങ്ങി. കുറച്ചു ദിവസമായി മടിയായിട്ടിരിക്കുകയായിരുന്നു. സ്പീഡ് കൂട്ടി ഒരു ഇരുപത് മിനിറ്റ് നടന്നു. കുറച്ചൊരുന്മേഷമൊക്കെ തോന്നി. അതിനു ശേഷം അഞ്ചു മിനിറ്റ് ബ്രീത്തിംഗ് എക്സര്‍സൈസ്. പതുക്കെ പണ്ടെന്നോ പാടി മറന്ന ഒരു ഗാനത്തിന്റെ മധുരമൂറും വരികള്‍ ചുണ്ടിലെത്തി. ഹായ്, മനസ്സിനും നല്ലൊരുന്മേഷം തോന്നുന്നു.

അപ്പോള്‍ പറഞ്ഞുവരുന്നത് ഇതൊക്കെ വേണമെന്ന് വെച്ചാല്‍ നമുക്കൊക്കെ പതിവായി ചെയ്യാവുന്നതാണ്. അതിനുള്ള മനസ്സുണ്ടാകണം. സമയമില്ലെങ്കില്‍ കണ്ടെത്താന്‍ ശ്രമിക്കണം. ഇനി രാവിലെ പറ്റുകയില്ലെങ്കില്‍ വൈകീട്ടെങ്കിലും. കുറച്ചു സമയമെങ്കിലും നമ്മള്‍ നമുക്കായി മാറ്റി വയ്ക്കുക; ആ സമയം ശ്രദ്ധിച്ചുപയോഗിക്കുക.

സംഗീതം, വായന, അതല്ലെങ്കില്‍ മറ്റു ഹോബികള്‍ നമുക്കുന്മേഷം പകരുന്നത് പോലെതന്നെയാണ് ഒരല്‍പ്പം നടത്തവും നമുക്ക് നല്‍കുന്നത്. ശരീരവും മനസ്സും ഒരുപോലെ ഉന്‍മേഷമായിരുന്നാല്‍ ആരോഗ്യവും നമുക്ക് നിലനിര്‍ത്താനാകും.

ഇനിയുമിതെഴുതിക്കൊണ്ടിരുന്നാല്‍ എന്റെ പല കാര്യങ്ങളും മുടങ്ങും.

ഓര്‍ക്കുക : HEALTH IS WEALTH!

ശുഭദിനം നേര്‍ന്നുകൊണ്ട് തല്ക്കാലം ധഖീറയില്‍ നിന്നും ഈയുള്ളവള്‍ വിടവാങ്ങുന്നു.